Police Patil Bharti 2025 | पोलीस पाटलांची २००० पदे रिक्त, नवीन भरती प्रक्रिया..!

Police Patil Bharti 2025

On May 14, 2025

पोलीस पाटलांची २००० पदे रिक्त, नवीन भरती प्रक्रिया..!

Police Patil Bharti 2025

Maharashtra Police Patil Bharti 2025 – A total of 2,048 police patil positions, which serve as a link between the administration and the police force, are vacant in Western Vidarbha So Police Patil Bharti 2025 is expected soon.. Compared to the total sanctioned 5,798 positions, 36% of the posts remain unfilled, affecting the functioning of the concerned system. Police patils play a crucial role in informing the police about any suspicious individuals entering the village, reporting crimes such as theft, assault, murder, and riots, assisting in rescue operations during natural disasters like floods and fires, alerting villagers about emergencies, providing aid, and resolving local disputes, among other responsibilities. So this Police Patil Recruitment 2025 is expected soon for more than 2000 Vacancies in Vidarba region.

Police Patil Bharti 2025 : प्रशासनासह पोलीस यंत्रणेचा दुवा म्हणून काम करणाऱ्या पोलीस पाटलांची तब्बल २०४८ पदे पश्चिम विदर्भात रिक्त आहेत.

एकूण मंजूर ५७९८ पदांच्या तुलनेत ३६ टक्के पदे रिक्त असल्याने संबंधित यंत्रणेच्या कामकाजावर परिणाम होत असल्याचे वास्तव आहे. गावात एखादी संशयास्पद व्यक्ती आल्यास पोलीसांना तत्काळ कळवणे, चौरी, मारामारी, खून, दंगल यासारख्या गुन्ह्यांची माहिती पोलीसांना देणे, पूर, आगीसारख्या नैसर्गिक आपत्तींमध्ये मदत आणि बचावकार्य करणे, गावकऱ्यांना आपत्तीविषयी सतर्क करणे आणि मदत पुरवणे यासोबतच स्थानिक वाद सोडवणे यासह अनेक कार्य पोलीस पाटील करतात. से असतानाही पोलीस पाटलांची अनेक पदे जिल्ह्यात रिक्त आहेत.

एकूण जागा : 2000

पदाचे नाव & तपशील: पोलीस पाटील

App Download Link : Download App

पूर्णवेळ प्रशासन व पोलिसांना सहकार्य करीत असल्याने गावपातळीवरचे हे महत्त्वाचे पद आहे, तरीही या पदाच्या नियुक्तीसाठी प्रशासनात दिरंगाई होत असल्याचा पोलिस पाटील संघटनेचा आरोप आहे. पोलिस पाटील हा ग्रामीण भागातील एक महत्त्वाचा प्रशासकीय आणि कायदा-सुव्यवस्थेशी संबंधित महत्त्वाचा घटक व शासन आणि पोलिस प्रशासन यांच्यातील दुवा म्हणून काम करतो. गावातील कायदा-सुव्यवस्था राखणे सोबतच शांतता आणि सुव्यवस्थेसाठी प्रयत्न करणे, अनुचित प्रकारांबाबत पोलिस ठाण्याला माहिती देणे यासह अन्य कर्तव्य पोलिस पाटील वेळोवेळी पार पाडतात. पोलिस पाटलांची रिक्त पदे भरण्यात यावी, मानधनवाढ, यासह अन्य मागण्यांसाठी शासनाला वेळोवेळी निवेदने दिली आहेत. मात्र, याकडे दुर्लक्ष करण्यात येत असल्याने संघटनेद्वारा आंदोलनाचा पवित्रा घेण्यात येईल.

गावाची कायदा आणि सुव्यवस्था अबाधित ठेवण्याची जबाबदारी पोलिस पाटलाची आहे. असे असतानी जिल्ह्यातील पोलिस पाटलांची ३३६ पदे रिक्त आहेत. यामुळे एकाच पोलिस पाटलाकडे तीन ते चार गावांची जबाबदारी आहे. यातून संपूर्ण व्यवस्था सांभाळताना पोलिस पाटलांची चांगलीच तारांबळ उडत आहे. रिक्त पदे तत्काळ भरण्यात यावीत, अशी मागणी पोलिस पाटील संघटनेने केली आहे. जिल्ह्यात दीड हजार पोलिस पाटलांची पदे आहेत. त्यापैकी ११३४ पदे भरलेली आहेत. उर्वरित ३३६ पदांवर अजूनही पोलिस पाटील नियुक्त नाही. याउलट गावाची लोकसंख्या दिवसेंदिवस वाढत आहे. यामुळे पोलिस पाटलांवर कामाचा ताणही वाढला आहे. गौण खनिज चोरीच्या घटना, अवैध रेती उपसा, गावातील अवैध धंदे, अदखलपात्र गुन्हे आणि कौटुंबिक कलह यांसारख्या अनेक बाबींवर नियंत्रण ठेवण्याची जबाबदारी पोलिस पाटलांकडे आहे. पोलिस पाटील हे गावाच्या सुरक्षेचे महत्त्वाचे पद आहे. अ

जिल्ह्यातील ११३४ पोलिस पाटलांवर २०४० गावांची जबाबदारी सोपविण्यात आली आहे. २७ लाख लोकसंख्येत ग्रामीण भागातील लोकसंख्या पाहता या ठिकाणी ११३४ पोलिस पाटील अपुरे आहेत. प्रत्येक गावाला किमान एक पोलिस पाटील गरजेचा आहे. निर्धारित मनुष्यबळानुसार जिल्ह्यात ३३६ पोलिस पाटलांची पदे अजून रिक्त आहेत. एकाच पोलिस पाटलाकडे मोठ्या जबाबदाऱ्या सांभाळताना तारेवरची कसरत होते. गावपातळीवरील प्रभावी अंमलबजावणीसाठी पोलिस पाटील पद भरणे गरजेचे आहे. त्यादृष्टीने पावले उचलावीत म्हणून आता पोलिस पाटील संघटना आग्रही आहे. गत अनेक वर्षांपासून पोलिस पाटलांचे प्रश्न कायम आहेत. या प्रश्नाकडे संघटनेकडून वारंवार पाठपुरावा केला जातो. या प्रश्नाची सोडवणूक झाली तर गावपातळीवर कायदा आणि सुव्यवस्था अबाधित राहण्यासह अनेक प्रश्न निकाली निघतील. याशिवाय प्रत्येक ठिकाणी शांतता अबाधित राहण्यास मदत होईल.

तब्बल १२ वर्षापासून प्रवास भत्ताच नाही
पोलिस पाटलांना बैठका आणि पोलिस ठाण्यातील कामासह इतर गावांचा पदभार सांभाळावा लागतो. यातून पोलिस पाटील सतत फिरत असतात. यात त्यांचा खिसाच रिकाम होतो. यामुळे प्रलंबित प्रवास भत्ता मिळावा आणि पोलिस पाटील यांना महागाई भत्ता लागू करावा, अशी मागणी आहे.

पोलिस पाटलांचे निवृत्ती वय वाढवा
पोलिस पाटलांचे निवृत्तीचे वय ६० वर्षांवरून ६५ वर्षे करण्यात यावे, या मागणीसाठी संघटना पाच वर्षांपासून पाठपुरावा करत आहे. मात्र, अजूनही विषय निकाली निघाला नाही. यामुळे अनेक ठिकाणी पोलिस पाटलांची पदे रिक्त झाल्यावर भरती रखडली आहे.

“पोलिस पाटलांची रिक्त पदे तत्काळ भरण्यात यावीत, निवृत्तीचे वय वाढविण्यात यावे आणि प्रलंबित प्रवास भत्ता द्यावा, यासाठी पोलिस पाटील आग्रही आहेत. एका पोलिस पाटलाकडे दोन किंवा तीन गावांचा पदभार आहे. अशावेळी सर्व ठिकाणची जबाबदारी सांभाळताना त्यांची तारेवरची कसरत होते. यातून रिक्त पदे भरण्याची मागणी आहे.”

पोलिस पाटील यांचे उमरगा उपविभागातंर्गत ५३ रिक्त पदांपैकी महिला आरक्षण सोडत नुकतीच काढण्यात आली. शहरातील अंतु-बळी सांस्कृतिक सभागृहात उमरगा उपविभागातंर्गत रिक्त असलेल्या पोलीस पाटील यांच्या रिक्त पदांपैकी ३० टक्के महिला आरक्षण सोडत कार्यक्रम उपविभागीय अधिकारी गणेश पवार यांच्या अध्यक्षतेखाली आयोजित करण्यात आला. यावेळी तहसीलदार व नागरीक उपस्थित होते. यावेळी नागरीकांच्या ठेवलेल्या रजिस्टरवर स्वाक्षरी घेण्यात आल्या. प्रारंभी उमरगा व लोहारा तालुक्यातील पोलीस पाटील यांच्या मंजुर कार्यरत व रिक्त जागा तसेच रिक्त पदापैकी गृह विभाग शासन निर्णया अन्वये ३० टक्के पदे महिलांसाठी आरक्षीत पदाबाबत माहिती देण्यात आली. उपविभागीय अधिकारी पवार यांच्या उपस्थित जातनिहाय, महिला आरक्षण निश्चित करण्यात आले. उमरगा व लोहारा तालुक्यातील १४० गावापैकी ८७ गावात पोलीस पाटील पदावरती व्यक्ती असून उर्वरीत ५३ गावात त्यात उमरगा ३५ तर लोहारा १८ पोलिस पाटील भरतीच्या अनुषंगाने महिला आरक्षण सोडत काढण्यात आले. अनुसूचित जातीसाठी पाच (महिला एक), अनुसूचित जमाती नऊ (महिला ३), विशेष मागास प्रवर्ग तीन (महिला १), भटक्या जमाती (ब) दोन (महिला १), भटक्या जमाती (क) दोन (महिला १), भटक्या जमाती (ड) तीन महिला (१) भटक्या जमात तीन गावात रिक्त आहे.