चालू घडामोडी सराव पेपर -27 August 2021

फक्त विधान 2 अचूक असल्यामुळे पर्याय (B) उत्तर आहे.
समर्थ (वस्त्रोद्योग क्षेत्रातील क्षमता वृद्धिकरण योजना) योजना वस्त्रोद्योग मंत्रालयाच्या नेतृत्वात या क्षेत्रातील उद्योग संघटना, राज्य सरकारच्या संस्था आणि मंत्रालयाच्या क्षेत्रीय संस्थांच्या माध्यमातून अंमलात आणली जात आहे. योजनेच्या माध्यमातून हातमाग व हस्तशिल्प कारागिरांना प्रशिक्षण दिले जाते.

देशातील 300 IT स्टार्टअप कंपन्यांना पाठिंबा देण्यासाठी भारत सरकारच्या इलेक्ट्रॉनिक्स आणि माहिती तंत्रज्ञान मंत्रालयाच्यावतीने 25 ऑगस्ट 2021 रोजी एक कार्यक्रम सुरू करण्यात आला, ज्याला समृद्ध (Startup Accelerator of MeitY for Product Innovation, Development & Growth – SAMRIDH) असे नाव देण्यात आले आहे. कार्यक्रमाच्या अंतर्गत निवडलेल्या स्टार्टअपमधून 100 युनिकॉर्न कंपन्या तयार करण्याच्या दृष्टीने बीज निधी, मार्गदर्शक आणि बाजारपेठ उपलब्ध करून दिले जाणार आहे.

इंधन म्हणून हरित हायड्रोजन वायुचा वापर देशात वाढविण्याच्या प्रयत्नात, अमेरिकेच्या ओहमियम इंटरनॅशनल या कंपनीने कर्नाटकच्या बंगळुरू येथे भारतातील पहिले ग्रीन हायड्रोजन इलेक्ट्रोलायझर उत्पादन कारखाना स्थापन केला आहे.

24 ऑगस्ट 2021 रोजी, BRICS समूहातील देशांच्या राष्ट्रीय सुरक्षेसाठी जबाबदार असलेल्या उच्च प्रतिनिधींची 11 वी बैठक व्हिडिओ कॉन्फरन्सिंगच्या माध्यमातून पार पडली. 2021 या वर्षासाठी भारताकडे BRICS (ब्राजील, रशिया, भारत, चीन आणि दक्षिण आफ्रिका) समूहाचे अध्यक्षपद असल्यामुळे, भारताचे राष्ट्रीय सुरक्षा सल्लागार अजित डोवाल यांनी या बैठकीचे अध्यक्षपद भूषविले.

केंद्रीय जल शक्ती मंत्रालयाच्यावतीने 25 ऑगस्ट 2021 रोजी ‘सुजलाम’ नामक 100 दिवसांची मोहीम सुरू करण्यात आली आहे. हा उपक्रम ‘आझादी का अमृत महोत्सव’ उत्सवाचा भाग म्हणून अधिकाधिक हागणदारी मुक्त (ODF+) प्लस गावे तयार करण्यासाठी राबवला जात आहे.

भारत आणि कझाकिस्तान या देशांमधील संयुक्त प्रशिक्षण सरावाची 5 वी आवृत्ती असलेल्या “कझइंड-21 (KAZIND-21)” याचे 30 ऑगस्ट ते 11 सप्टेंबर 2021 या कालावधीत आयशा बीबी (कझाकिस्तान) येथे आयोजन केले जाईल.

चकमा लोक भारताच्या पूर्वेकडील भागातील मूळ निवासी आहेत. चकमा हा आग्नेय बांगलादेशाच्या चटगोंग हिल ट्रॅक्ट प्रदेशातील सर्वात मोठा आणि भारताच्या मिझोरममधील दुसरा सर्वात मोठा धार्मिक गट आहे.

गोळाफेकपटू टेक चंद हा 24 ऑगस्ट 2021 रोजी सुरू झालेल्या 2020 टोकियो पॅरालिम्पिक खेळांच्या उद्घाटनपर समारंभात भारताचा ध्वजवाहक होता.

आशियाई विकास बँकेने (ADB) की इंडिकेटर्स फॉर एशिया अँड द पॅसिफिक 2021 या शीर्षकाखाली एक अहवाल प्रसिद्ध केला आहे. अहवालानुसार, कोविड-19 महामारीने आशियातील विकसनशील देशातील अंदाजे 75-80 दशलक्ष लोकांना अति-गरीबीकडे ढकलले आहे.