चालू घडामोडी सराव पेपर -19 September 2021

भारतीय लष्कराचे भूदल आणि नेपाळी भूदल यांच्यामधील “सूर्य किरण 2021 नामक संयुक्त सरावाची 15 वी आवृत्ती 20 सप्टेंबर 2021 पासून पिठोरागड (उत्तराखंड) येथे सुरू होत आहे

केदारनाथ, बदरीनाथ, गंगोत्री आणि यमुनोत्री या पवित्र हिंदू तीर्थक्षेत्रांना एकत्रितपणे चार धाम म्हणून संबोधले जाते, जे उत्तराखंड राज्यात आहेत

कलेक्टिव सिक्युरिटी ट्रीटी ऑर्गनायझेशन ही युरेशियातील एक आंतरसरकारी लष्करी युती आहे, ज्यात सोव्हिएत-नंतरच्या देशांचा समावेश आहे. त्याचे मुख्यालय मॉस्को (रशिया) येथे आहे.

केंद्रीय शिक्षण मंत्री आणि कौशल्य विकास मंत्री धर्मेंद्र प्रधान यांच्या हस्ते कौशल्य परिसंस्थेमध्ये दिलेल्या योगदानासाठी 41 प्रशिक्षकांना कौशलाचार्य पुरस्कार 2021 देण्यात आले आहेत.

चीन देशाच्या स्वतःच्या अंतराळ स्थानकात 90 दिवसांच्या मुक्कामानंतर 17 सप्टेंबर 2021 रोजी 3 चीनी अंतराळवीर पृथ्वीवर परतले आहेत. 17 जून 2021 रोजी, चीन देशाने स्वतःच्या स्पेस स्टेशनच्या तियान्हेनामक मुख्य भागामध्ये काम करण्यासाठी तांग हाँग्बो, नी हैशेंग आणि लियू बॉमिंग या तीन अंतराळवीरांना शेंझोऊ-12 यानाने पाठविले होते.

बांबूच्या फायद्यांविषयी जागृती वाढवण्यासाठी जगभरात दरवर्षी 18 सप्टेंबर या दिवशी जागतिक बांबू दिवस साजरा करतात.
2021 साली जागतिक बांबू दिवसची ‘प्लांटबांबू: इट इज टाइम टू प्लांट बांबू’ ही संकल्पना आहे

SCO (शांघाय सहकार्य संघटना) गटाच्या देशांच्या राष्ट्रप्रमुखांच्या परिषदेची 21 वी बैठक 17 सप्टेंबर 2021 रोजी दुशान्बे (ताजिकिस्तान) येथे झाली. बैठक ताजिकिस्तानचे राष्ट्राध्यक्ष इमोमाली रहमोन यांच्या अध्यक्षतेखाली झाली.

केंद्रीय इलेक्ट्रॉनिक्स आणि माहिती तंत्रज्ञान मंत्रालयाच्या MyGov इंडिया पोर्टलने भारतीय स्टार्टअप आणि तंत्रज्ञान क्षेत्रातील उद्योजकांसाठी तारांगणविषयक अभिनव संशोधन स्पर्धेचे आयोजन केले. ऑगमेंटेड रिअॅलीटी, व्हर्चुअल रिअॅलीटी आणि मर्ज्ड रिअॅलीटी यासारख्या आधुनिक तंत्रज्ञानाचा वापर करून स्वदेशी तारांगण प्रणालीचे सॉफ्टवेअर विकसित करण्याची क्षमता असणाऱ्या तंत्रज्ञान क्षेत्रातील कंपन्या आणि स्टार्टअप (भारताबाहेर स्थायिक असलेले) यांना एकत्र आणण्याच्या उद्देशाने ही स्पर्धा आयोजित करण्यात आली आहे

1995 सालापासून दरवर्षी 16 सप्टेंबर या दिवशी संयुक्त राष्ट्रसंघ पर्यावरण कार्यक्रम (UNEP) यांच्या नेतृत्वात जगभरात ओझोन थराच्या संरक्षणासाठी आंतरराष्ट्रीय दिवस किंवा जागतिक ओझोन दिवस साजरा करतात.
2021 साली जागतिक ओझोन दिनाची संकल्पना ‘मॉन्ट्रियल प्रोटोकॉल कीपिंग अस, अवर फूड, अँड वॅक्सीन्स कूल!’ ही आहे.

अलका नांगिया अरोरा यांची राष्ट्रीय लघु उद्योग महामंडळ मर्यादित (NSIC) याच्या अध्यक्ष-नि-व्यवस्थापकीय संचालक (CMD) या पदावर नियुक्ती झाली आहे. त्यांनी 14 सप्टेंबर 2021 रोजी या पदाचा अतिरिक्त कार्यभार स्वीकारला